Ein hálvan tíma seinni letur Norðurlandshúsið dyrnar upp í stóru Høllini, har Oscar-tilnevndi animatiónsfilmurin Úlvafólk (en: Wolfwalkers) verður sýndur. Tað serstaka við sýningini er, at filmurin verður ljóðsettur við føroyskari talu samstundis, sum filmurin spælir. Hetta kallast eisini live-dubbing.
Undirhald fyri øll børn og barnsligar sálir!
Úlvafólk
Filmurin snýr seg um eina unga gentu, sum fer til Írlands við pápa sínum við tí fyri eyga at avoyða seinastu úlvarnar. Her verður hon vinkona við eina djarva gentu úr eini duldarfullari ætt, sum sigst at kunna broyta seg til úlvar um náttina. Filmurn er ein sera flottur animatiónsfilmur og var m.a. nomineraður til ein Oscar fyri besta animatiónsfilm.
Filmurin hóskar seg best til aldursbólkin 7 ár og eldri.
Um filmin
Uppruna heiti: Wolfwalkers.
Longd: 103 min
Framleiddur: 2020.
Land: Írland, Luxembourg, Frakland
Leikstjóri: Tomm Moore & Ross Stewart
Týðing av handritið til føroyskt: Trygvi Danielsen
Leikstjóri: Durita Dahl Andreassen
Røddir: Anna Katrin Øssursdóttir Egilstrøð, Gunnvá Zachariasen, Hjálmar Dam, Marita S. Dalsgaard
Fyriskipari
Filmshúsið hevur tikið stig til barnafilmsfestivalin, hvørs endamál er at geva børnum úr øllum aldursbólkum eina góða filmsuppliving, og kveikja teirra áhuga og forvitni fyri filmi á føroyskum.
Hugflogið fer til stroks í hesum litríka, undurfulla filminum, sum franska filmsfelagið Dandeloo hevur latið av hondum. “Søgur úr fuglahúsinum” er ein røð av stuttfilmum, sum byggja á 9 ymiskar barnabøkur eftir víðagitnar teknarar.
Filmurin spælir í ring.
Vit hitta eitt nú ein mann, sum við hjálp frá fuglum roynir at læra seg at flúgva; og eitt áarross, sum smæðist um sína stóru rumpu; og ein pingvin, sum altíð er kaldur; og Matthew, sum stúrir fyri, at pápin ikki heintar hann í barnagarði, um grøni bilurin hjá teimum gongur fyri. Eisini dreingin Gaston, sum gongur og melur við einum fugli á høvdinum; og fimm løgnar vinir, sum fáa vitjan av einum óvanliga spennandi manni; og ein fugl, sum av óvart etur eina stjørnu; og at enda verður ein vøkur endurtulking av Tummilinu eftir H.C. Andersen.
Um filmin
Upprunaheiti: La Cabane aux oiseaux
Longd: 75 min
Framleiðsluár: 2018
Land: Frakland
Leikstjóri: Célia Rivière
Týðing: Dania O. Tausen
Røddir: Dania O. Tausen við familju
Aldursmark: 3+
Stopmotion er ein filmsteknikkur, har tú nýtir marionettir, leir ella annað til at gera animatiónir. Vit kenna arbeiðsháttin úr røðini L fyri Lomb, sum ofta er at síggja í sjónvarpinum.
Martin Vang Vilhelm fer at leiða verkstovuna.
Hugflogið fer til stroks í hesum litríka, undurfulla filminum, sum franska filmsfelagið Dandeloo hevur latið úr hondum. “Søgur úr fuglahúsinum” er ein røð av stuttfilmum, sum byggja á 9 ymiskar barnabøkur eftir víðagitnar teknarar.
Filmurin spælir í ring.
Vit hitta eitt nú ein mann, sum við hjálp frá fuglum roynir at læra seg at flúgva; og eitt áarross, sum smæðist um sína stóru rumpu; og ein pingvin, sum altíð er kaldur; og Matthew, sum stúrir fyri, at pápin ikki heintar hann í barnagarði, um grøni bilurin hjá teimum gongur fyri. Eisini dreingin Gaston, sum gongur og melur við einum fugli á høvdinum; og fimm løgnar vinir, sum fáa vitjan av einum óvanliga spennandi manni; og ein fugl, sum av óvart etur eina stjørnu; og at enda verður ein vøkur endurtulking av Tummilinu eftir H.C. Andersen.
Um filmin
Upprunaheiti: La Cabane aux oiseaux
Longd: 75 min
Framleiðsluár: 2018
Land: Frakland
Leikstjóri: Célia Rivière
Týðing: Dania O. Tausen
Røddir: Dania O. Tausen við familju
Í Vallbakkaskóginum búgva nógv ymisk dýr, bæði stór og smá, við Klintrimús á odda. Hini dýrini eru m.a. tann skilagóði Skógmús-Mortan, bakarameistarin Haru-Per og Bamsu-Pól, sum er hann, ið ræður. Sjálvandi mugu vit ikki gloyma Reva-Mikkjal og Pætur Pinnagrís, sum eisini búgva í skóginum, men teir eru ikki so fittir.
Um filmin
Uppruna heiti: Dyrene i Hakkebakkeskogen
Longd: 75 min
Framleiðslu ár: 2016
Land: Noreg
Leikstjóri: Rasmus A. Sivertsen
Í einum býi, sum er undir jørð, búgva nakrar mýs. Lítla, listarliga músin Selestina hoyrir ræðusøgur um harðligu og farligu bjarnirnar, sum búgvi í einum býi, sum er oman á yvirflatuni. Hóast Selestina verður ávarað, droymir hon um at gerast vinur við bjarnirnar. Og dreymurin verður til veruleika, tá ið Selestina hittir ta illsintu og fátæku bjørnina Ernst. Hetta verður byrjanin til eitt vinaband, sum bæði mýs og bjarnir royna at steðga. Men bondini millum Ernst og Selestinu eru sterk, og tey geva ikki upp uttan víðari.
Um filmin
Uppruna heiti: Ernest et Célestine
Longd: 80 min
Framleiðslu ár: 2012
Land: Frakland
Leikstjóri: Stéphane Aubier, Vincent Patar and Benjamin Renner
Týðing: Jákup Veyhe
Røddir: Jákup Veyhe og Nadia Barbara Abrahamsen
Aldur: 5+
Ókeypis atgongd. Sí tiltakið á https://varpid.fo/tiltak/2048/
Søguløta verður á nýggja barnabókasavninum, har vit fara at hoyra søguna "Palli hjálpir einum riddara" eftir Jan Lööf. Í samband við at tað er Barnafilmsfestivalur kunnu børnini aftaná, um tey hava hug, tekna søguna, sum eina filmsplakat.
Sýndir vera fýra partar av nýggju heimildarseriuni ''Mín skúlaflokkur í Grønlandi'' og ein partur av ''Tann óveruliga verðin hjá Aldu''.
Skúlaflokkurin hjá mær í Grønlandi
Í eini skúlastovu í Ilulissat í Grønlandi sita Mino, Laura og Aliqiaq saman við hinum floksfeløgunum í 5. A. Tey eru øll spent í huga, tí ein drongur í flokkinum, Inunnquaq, hevur gjørt av at luttaka í hundasletukapping á fyrsta sinni. Bygdin skipar fyri hesum á hvørjum ári, og øll í flokkinum ætla at rópa á hann.
Tey hava gott samanhald í flokkinum, og nú fer eisini at stunda til jóla. Børnini gleða seg til mest jólabasarin og at dansa fyri foreldrunum, tá ið skúlin skipar fyri ‘kaffemik’. Foreldrini at summum børnum eru skild, men tá ið jólatiltøk eru, fegnast børnini um at síggja foreldrini sita saman. Hóast góða samanhaldið, so klandrast tey eisini onkuntíð – eitt nú í fimleikatímanum. Vit hitta eisini Aviaja, sum er nýggjur næmingur í flokkinum og roynir at finna sítt pláss í flokkinum.
Børnini hugsavna seg nógv um frítíðarítriv sum t.d. fótbólt og at fiska; og um heimalívið og foreldrini. Men skúlin hevur eisini nógv at siga fyri tey – upp á gott og ónt. Tað er í skúlanum, at tey fáa vinir og læra seg sjálvi at kenna.
Heimildarrøðin fylgir flokkinum í eitt skúlaár og er í tíggju pørtum, vit sýna fýra partar.
Um heimildarseriuna
Uppruna heiti: ATUAQATIKKA
Heimildaraseria
Longd: 30 min
Framleiðslu ár: 2024
Land: Danmark, Grønland
Leikstjóri: Ulla Søe
Týðing: Jákup Veyhe
Røddir: Jákup Veyhe
Aldur: 9+
Tann óveruliga verðin hjá Aldu
Filmurin snýr seg um eina 6 ára gamla gentu, sum eitur Alda. Henni dámar ikki serliga væl grønmeti. Alda hevur stórt hugflog og ger gerandisdagin um til eitt ævintýr. Hon hevur ein vin, sum eitur Luddi. Saman fara tey eina ævintýraferð har nógv spennandi hendir.
Um filmin
Longd: 13 min
Framleiðsluár: 2023
Land: Føroyar
Leikstjóri: Tóki Jansson
Aldursmark: 9+
Ókeypis atgongd. Sí tiltakið á https://varpid.fo/tiltak/2048/
