Kom og royn teg í at gera ljóðeffektir til film saman við Høgna Fagraberg, sum fer at leiða verkstovuna. Á enskum verður hugtakið, at gera ljóðeffektir til film kallað fyri ''foley''. Í filmsgerð er foley endurgevingin av gerandisligum ljóðum, sum verða løgd afturat filmum, video og øðrum miðlum í eftirframleiðsluni fyri at økja um ljóðgóðskuna.
Kl. 13. og kl. 15. fer Høgni at greiða frá sínum royndum og hann fer at hava eina stutta innleiðslu um hvat ljóðeffektir er.
Hugflogið fer til stroks í hesum litríka, undurfulla filminum, sum franska filmsfelagið Dandeloo hevur latið av hondum. “Søgur úr fuglahúsinum” er ein røð av stuttfilmum, sum byggja á 9 ymiskar barnabøkur eftir víðagitnar teknarar.
Filmurin spælir í ring.
Børn sleppa at royna seg sum dubbarar! Tey sleppa at leggja rødd til ein leiklut úr einari senu úr filminum: Klintrimús og hini dýrini í Vallbakkaskóginum.
Samstarv við Kringvarp Føroya.
Suzu er ein sera smæðin studentaskúlanæmingur, fangað í sínum egna mótloysi. Hon býr saman við pápa sínum í eini friðarligari bygd, og hon kemur bert saman við síni bestu vinkonu og bygdakórinum fyri vaksin. Men alt hetta broytist, tá Suzu uppdagar talgilda heimin “U” og fordjúpar seg í hesum stóra tykisheiminum, har hon er vakra sangarinnan Belle. Suzu verður alsamt meiri hugtikin av sínum online persóni, sum mótsett henni er elskað og væl umtókt.
