Mangaverkstova verður á ungdómsbókasavninum. Vit fara at tekna filmsplakat útfrá filminum Belle, sum verður vístur 18. januar kl. 15:30 og 19. januar kl. 14.00 í Havnar Bio. Men tað ber eisini til, at gera eina filmsplakat útfrá onkrari aðrari søgu ella filmi. Tað verður Anna Sofía Andreasen ið fer at hava verkstovuna.
Tey sum vilja, kunnu luttaka í einari kapping um bestu filmsplakat. Vinnarin fær gávukort til Havnar Bio.
Stopmotion er ein filmsteknikkur, har tú nýtir marionettir, leir ella annað til at gera animatiónir. Vit kenna arbeiðsháttin úr røðini L fyri Lomb, sum ofta er at síggja í sjónvarpinum.
Martin Vang Vilhelm fer at leiða verkstovuna.
Kom og royn teg í at gera ljóðeffektir til film saman við Høgna Fagraberg, sum fer at leiða verkstovuna. Á enskum verður hugtakið, at gera ljóðeffektir til film kallað fyri ''foley''. Í filmsgerð er foley endurgevingin av gerandisligum ljóðum, sum verða løgd afturat filmum, video og øðrum miðlum í eftirframleiðsluni fyri at økja um ljóðgóðskuna.
Kl. 13. og kl. 15. fer Høgni at greiða frá sínum royndum og hann fer at hava eina stutta innleiðslu um hvat ljóðeffektir er.
Sýning av partinum: "Rím" úr Vinus og Vimús, sum Páll Danielsen úr Kringvarpinum hevur framleitt. Eftir tað fer tað at vera møguleiki fyri at spæla nøkur spøl úr Vinus og Vimús.
Samstarv við Kringvarp Føroya.
