Søguløta verður á nýggja barnabókasavninum, har vit fara at hoyra søguna "Palli hjálpir einum riddara" eftir Jan Lööf. Í samband við at tað er Barnafilmsfestivalur kunnu børnini aftaná, um tey hava hug, tekna søguna, sum eina filmsplakat.
Ein hálvan tíma seinni letur Norðurlandshúsið dyrnar upp í stóru Høllini, har Oscar-tilnevndi animatiónsfilmurin Úlvafólk (en: Wolfwalkers) verður sýndur. Tað serstaka við sýningini er, at filmurin verður ljóðsettur við føroyskari talu samstundis, sum filmurin spælir. Hetta kallast eisini live-dubbing.
Undirhald fyri øll børn og barnsligar sálir!
Í 2007 gjørdi Jensina Olsen 22 partar av einum dukkufilmi ið kallaðist Sópa. Sópa fer at koyra í loop á lítlum skermi við oyratelefonum í Perluni.
Samstarv við Kringvarp Føroya.
Stopmotion er ein filmsteknikkur, har tú nýtir marionettir, leir ella annað til at gera animatiónir. Vit kenna arbeiðsháttin úr røðini L fyri Lomb, sum ofta er at síggja í sjónvarpinum.
Martin Vang Vilhelm fer at leiða verkstovuna.
